Articles

वायुतत्त्वाचे बीजाक्षर ‘यं’ हे असले तरी या बीजाक्षराचा फार कोणी जप करत नाही त्या ऐवजी निळ्या आकाशाचे ध्यान करतात व प्राणायाम करतात. या साधनेने सूक्ष्मदेह कारणदेहात विलीन होतो व साधक खऱ्या अर्थाने योगी होतो.

‘रं’ हे तेजतत्त्वाचे बीज आहे. भारतातील ‘राम’ हे ईश्वराचे नाम ‘रं’ या बीजाक्षराचे dilute केलेले रुप आहे. ‘रं’ या बीजाक्षराच्या जपाने सूक्ष्मदेह शुद्ध होतो. साधकामध्ये Astral Travelling करण्याची क्षमता निर्माण होते. पूर्वजन्मात केलेली दूषित कर्मे जळून जातात. मणिपूरचक्र जागृत होते.

देवनागरी लिपीतील अक्षरांमधील शक्तींच्या विषयी थोडक्यात माहिती देतांना शरीरातील पंचतत्त्वांची माहिती देऊन योगीराजांनी आपले बोलणे थांबविले:

पायाच्या तळव्यापासून गुडघ्याच्या सुमारे २ इंच वरपर्यंतच्या भागामध्ये पृथ्वीतत्त्वातील असंख्य शक्ती सामावलेल्या असतात. त्या शक्तींची सुईच्या टोकासारखी (pinpoint) असंख्य केंद्र त्या भागात असतात. यातील एखादे केंद्रे जरी जागृत झाले तरी त्या माणसाला विशिष्ट प्रकारची शक्ती प्राप्त होते.